إعـــــــلان

تقليص

للاشتراك في (قناة العلم والإيمان): واتساب - يوتيوب

شاهد أكثر
شاهد أقل

يبويه ما ظلي ولي ( نزله)

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يبويه ما ظلي ولي ( نزله)

    ناديت وينك يا علي + يبويه ما ظلي ولي
    علغبرة نامو كل هلي + علغبرة نامو كل هلي
    يبويه ما ظلي ولي


    والروس كله صاعده
    وسياط كومة امجردة
    ظليت ما بين العده
    ومحد يعدل محملي

    يبويه ما ظلي ولي


    عباس نايم علنهر
    مخ راسه مخبوط الكمر
    وخلافه رحنه لليسر
    وشلون بناتك تنولي

    يبويه ما ظلي ولي


    بالناس ما ظلت شيم
    تضرب وتشتم بالحرم
    علرمح شيال العلم
    حماي بعده ما الي

    يبويه ما ظلي ولي


    نسوان كله بلا خدر
    والناس بدله الغدر
    يا بويه سلبنه الشمر
    والكيد بيد ابنك علي

    يبويه ما ظلي ولي


    واليوم اجينه بالظعن
    من الشام للطف المحن
    نسوان بس تبجي وتون
    ومجـانك الليله خلي

    يبويه ما ظلي ولي


    وشلون يا بويه نرد
    خواني كلهم باللحد
    عباس ما ظله زند
    وهمومي ما ظن تنجلي

    يبويه ما ظلي ولي


    من ارجع بدمعة العين
    تنشدني عنه ام البنين
    شخبره عن حال الحسين
    شماتي يخبر عاذلي

    يبويه ما ظلي ولي


    ياريت لا سار الجدم
    وتتكطع اوصالي خذم
    تمنيت ياخذني العدم
    وينمحي التالي واولي

    يبويه ما ظلي ولي


    وشلون لمي لو رحت
    واحوالي كله تبدلت
    شخبره علصار وشفت
    متشوف يمي كافلي

    يبويه ما ظلي ولي

    حيدر العذاري
المحتوى السابق تم حفظه تلقائيا. استعادة أو إلغاء.
حفظ-تلقائي
x

رجاء ادخل الستة أرقام أو الحروف الظاهرة في الصورة.

صورة التسجيل تحديث الصورة

اقرأ في منتديات يا حسين

تقليص

المواضيع إحصائيات آخر مشاركة
أنشئ بواسطة وهج الإيمان, 27-03-2024, 06:44 PM
ردود 0
13 مشاهدات
0 معجبون
آخر مشاركة وهج الإيمان
بواسطة وهج الإيمان
 
أنشئ بواسطة ibrahim aly awaly, 25-05-2019, 07:10 AM
ردود 3
273 مشاهدات
0 معجبون
آخر مشاركة وهج الإيمان
بواسطة وهج الإيمان
 
يعمل...
X